時裝大品牌Nina Ricci、Lanvin同YSL前CEO丹尼弗(Paul Deneve)去到蘋果公司,可以有乜新衝擊?蘋果迷應該有所期待。
蘋果請來丹尼弗以副總裁身份負責特別任務,直接向蘋果CEO庫克滙報。丹尼弗咁多年喺時裝大品牌工作,最叻應該係以超高價賣產品,換轉係蘋果產品,唔知佢會點賣?
咪以為時裝同蘋果嘅科技產品風馬牛不相及,實情係,丹尼弗喺史丹福大學碩士畢業,1990至1997年曾經係蘋果歐洲銷售及營銷經理,算係回巢。
至於有乜特別任務?外界估計,最近成日傳蘋果推「iWatch」,請丹尼弗可能就係搞呢個項目。