當年今日

徐子珊抗拒異地戀

蘋果日報 2016/12/08 00:00


徐子珊昨日在紅磡出席鄭明明開設的蒙妮坦學院畢業典禮,穿上deep V裙、大騷事業線的子珊,談到其網上珠寶品牌生意,她說:「未有咁快回本,但對生意係樂觀。」她又謂租金太貴,所以不考慮開舖。
早前四處外遊,子珊透露簽約王祖藍旗下後,有電影、電視及真人騷洽談中,她說:「聖誕節去芝加哥登台,同埋喺香港做倒數活動。」騷錢好滿意?她笑說:「幾好,我都係投資番喺我生意上。」事業雖然得意,但子珊表示情場沒起色,問外遊時有否艷遇?她說:「冇呀,同埋我覺得異地緣係唔得,因為維繫唔到。」
採訪:黃曉妍
攝影:沈健程