【新增內容及圖片】
由36歲韓國女神孫藝珍孖30歲男星丁海寅主演嘅劇集《經常請吃飯的漂亮姐姐》（漂亮姐姐）已於日前大結局，由於劇集反應，日前一班演員同劇組就拉大隊去更於日本札幌旅行慶功，兩人喺出發同回韓國都好合拍地着上情侶裝示人，搞到唔少粉絲勁開心，希望佢哋由戲裡愛到戲外。

而噚日佢哋已返回韓國，一返韓孫藝珍就即更新Instagram，當中除咗自己相片外，仲晒埋丁海寅嘅照片同片段。照片中可見孫藝珍同丁海寅喺草園上跳起，之後孫藝珍仲出賣丁海寅，上載同丁海寅一齊玩跳樓機嘅片段，可見丁海寅好似第一次玩跳樓機，佢仲表現好緊張，唔多笑容，反而孫藝珍就好興奮，不時舉V又整心心，但身旁嘅丁海寅就唔鬼理佢，仲好專注咁握實扶手，真係嚇死寶寶。

另外，今日丁海寅就出發到曼谷，為粉絲見面會做準備，而孫藝珍就留喺韓國，今日現身品牌活動。

更多韓流，喺晒《娛果》
http://fb.com/appledailyent