周啟生今日到商台宣傳下月喺旺角麥花臣舉行嘅《Electric Dreams》音樂會。周啟生話今次以電子音樂為主題，所有歌曲重新編排，佢話：「今次嘅主題係electric dreams ，所用嘅都係電子樂器，歌曲重新編排，老婆話我係咪傻，今次做音樂會好似做兩隻唱片咁，30幾首歌，另外仲會有嘉賓。」

周啟生今日展示其演唱會海報，其外型有點像鄭中基，佢話：「好多人話佢似我，不過自己已經58歲，鄭中基後生好多，自己都已經抱孫。」孫女1歲，周啟生話：「我個女幾歲，經常叫錯咗個孫女做女，自己同大仔關係好好，二仔18歲幾靚仔。」

今次周啟生演唱會，是為東華三院自閉兒童籌款，佢話：「自己一直為呢方面去努力，希望大家關注，香港政府未發覺嘅重要性，通常都將有問題嘅小朋友，撥歸同一堆，好似自閉、亞氏保加、唐氏綜合症，將佢哋放埋一齊，撥俾佢哋嘅資源好少，外國其實將佢哋細分類，協助及培養佢哋，如果唔即時協助佢哋，就會浪費咗佢哋嘅發展。」問到周啟生有否同周永恆聯絡，周啟生話：「唔想批評其他人，只係想做好自己，講自己嘅嘢。」

精選娛聞，喺晒《娛果》
http://fb.com/appledailyent