走出娛樂圈紙醉金迷的生活，徐淑敏婚後醒覺不能重覆當年的渾噩，拒做悠閒少奶，為自主「發奮」賺錢。選完港姐後，Suki入行翌年即07年，已賺到人生第一個一百萬，「無可否認喺娛樂圈行運嗰陣好容易賺錢，出席一個活動，講幾句已經有錢收，最高峯每個月可有10個外快工作。當時雖然租住萬二蚊嘅都會駅，加埋供車、畀家用，每月基本開銷要5萬蚊，但一兩個job已冚到。」不過，風光短暫，「當時諗嘢唔長遠，負債，我仲走去落10萬蚊訂，買一架50萬嘅跑車。點知臨時被捉去拍劇，三個月都賺唔到外快找數，只能靠出糧逐月清數，後來甚至淪為負資產。」她坦言，圈中不少人都因不懂控制開支而陷入財困，「唔可以再咁渾渾噩噩」！