英皇藝人鍾舒漫（Sherman）﹑馮允謙及新人陳凱彤，今日參加渣馬10K賽事，Sherman以1小時10分鐘完成賽事，佢話比往年快6﹑7分鐘。問到會否挑戰長途賽事？佢話自己應該唔會，又讚跑到半馬全馬嘅人好犀利，同時亦為張致恒（Steven）加油。

Sherman表示噚晚都好攰，一早都想瞓覺，惟每年都係比賽前一晚，都係瞓唔到，佢笑言自己好似死屍咁化唔到妝，唯有戴副超算數。

至於馮允謙則是首度參加10K，佢喺50分鐘內完成十公里賽事，佢揚言下年參加挑戰盃，若可以喺40分鐘內完成賽事，就真係不得了，馮允謙表示自己每星期會跑步三四次，每次跑七至八公里。