熱帶風暴「百里嘉」漸漸逼近香港，明晚（12日）天氣隨時影響大局，大家真係要臨場執生。

而另一個超強颱風「山竹」來勢洶洶，更有報道指星期日（16日）會正面吹襲香港，呢幾日晨操，一眾騎練就講緊田草日馬會唔會跑得成馬，冠軍騎師潘頓喺香港生活多年，加上今季已開齋，講明會淡定應對。

不過，對仲未贏馬嘅麥偉利嚟講，就話明希望「山竹」急轉彎打唔正，事關佢呢日為咗出策開鑼日入Q馬「金鼓齊鳴」出戰三班1200米，而選擇押後停賽，有冇得坐正兼打破悶局，真係要問過天氣。