有消息指早前涉嫌喺內地吸毒而被拘留嘅「東星烏鴉」張耀揚今日獲釋，近20名記者喺香港機場等佢返港，不過未等到張耀揚前，就見到郭富城今午2點鐘左右，一個人揹住嗰背囊出閘，佢同記者透露喺英國出席完品牌活動返嚟，同場仲見到威廉王子。

問城城係咪搭近日又出事嘅馬航返香港？城城話：「唔係，不過都係經嗰度(出事航線附近)。」

嘩！咁有冇擔心先？城城就好豁達咁話唔驚得咁多喎！問到城城彭順同李心潔近日返咗香港，會唔會搵下佢哋？佢就冇答到，仲閃咗去買咖啡飲，之後就離開機場喇！