名人有價，名人之後，像靚佬湯剛出生的女兒Suri的曝光相，據聞市場已經叫價到五百萬美金。乖乖不得了，寶貝女只要亮一亮相就穩袋雜誌社可愛的美鈔，這份job，為父的只是舉手之勞，替身也不必僱用，真正是missionpossible。
這樣賺錢法，兒童心理專家大有話說，呱呱墮地便成為父母的搖錢樹，對孩子成長健康的影響，不可估量。不過做家長的，肯定有他們難念的經，靚佬湯卻是例外，斷估不必為奶粉尿布的使費頭赤。雖然靚湯的身家肯定遠遠落後於Bill叔叔，貴為全球首富的蓋茨，財產五百億，普世無人能及，連自己都慨歎，獨個兒處身財富的頂點高峯，委實有點寂寞。靚湯身家少一大截，寂寞感覺相應下調，錢已經多到使之不盡，賣相求榮的罪名，自然不成立。那幾百萬，任何一個公關都會教路，將它捐去寄養兒童組織吧。假如靚女相有市場，長賣長有，湊夠幾個十億，香港任何一家大學都會歡迎，水到渠成，全校改名叫做靚湯幼稚園都得。