【爆相爆片】海洋公園3女除鞋瞓凳 讀者：唔係幾好睇
蘋果日報 2018/12/23 16:55
大媽海洋公園
去得海洋公園當然預咗睇唔同動物，欣賞佢哋唔同嘅姿態，讀者Mimi星期五去海洋公園玩嘅時候，就發現海洋劇場外同場加映有趣一幕。當日下晝1點半左右，Mimi行過海洋劇場外時，見到有3個女人似乎玩得太攰，除埋鞋並排瞓喺長凳上，其中兩個大媽咁款，另一個着短袖衫牛仔褲後生女。
平時見到有人隨處瞓覺一定好礙眼，但咁啱牆身畫滿水底世界嘅圖畫，又海豚又海馬又鯨魚，就咁睇仲以為3個人喺度潛緊水，又似海洋中嘅睡公主，畫面相當趣緻諧和。
Mimi話3個女人似乎瞓得好好，對外邊經過嘅人對無反應。不過，Mimi都覺得長凳係畀遊客坐底休息嘅地方，雖然佢哋無發出鼻鼾聲，但係點都有少少「唔係幾好睇，搞到其他人想坐都冇位坐」。
你敢爆，我敢獎！ 立即WhatsApp《蘋果》24小時爆相爆片熱線 或致電：63836568
3女旁若無人，除鞋喺園內長凳大覺瞓。(讀者Mimi提供)
讀者形容其中兩人似大媽，另一人着短袖衫牛仔褲似後生女。(讀者Mimi提供)