唔少國家趁本土貨幣走強，購買力上升，紛紛圖謀走出去海外尤其新興發展中地區市場進行併購，日本NTT收購非洲DimensionDataHoldings、麒麟啤收購新加坡星獅啤等。在中國，吉利母公司收購富豪汽車，還有中國石油化工（386）與西班牙Repsol於巴西成立合營。2009年中國於海外併購投資者中排名第三，達426億美元，雖不及2008年創紀錄之730億美元規模，卻仍佔同年全球跨境併購規模之7.5%，僅次於美國及法國，在能源、電力原材料領域方面表現積極。
可是，考驗往往要在完成併購後才反映出來，好似TCL為求超英趕美，03年收購法國湯臣集團，便是在未經過完成詳細調研下嘅失敗之作。
股票市場近日極熱鬧，新股熱潮反映散戶熱忱之情，儘管無幾多人會承認自己亦陷入瘋狂狀態。港股龍蛇混雜，真正嘅大蟒蛇頻頻在金融區出現，利用供求關係股權披露圖引小股民落叠之股份，卻是無日無之，有開宗明義讀出股票代號賣廣告引你注意、有廣邀分析員睇廠前乘機創新高以壯行色，更有本已貨源歸邊搵高人玩叠羅漢，總之形形式式，目不暇給。冧把唔提，費事斷人米路，通通離不開掛住個內需概念扮免死金牌發功創新高股仔，逼你為追貨而追貨。
胡孟青
獨立股評人