【本報訊】身為立法會體育、演藝、文化及出版界代表的馬逢國，未有為體育界發聲反駁梁振英之餘，卻多番為梁辯護，指梁的「體育界對經濟冇貢獻」言論，意思其實是「體育界唔係主要以經濟貢獻作為計算」，堅稱梁已發聲明澄清；當被問及如何看李慧詩批評梁言論時，作為體育界代表的他竟指：「我冇聽到李慧詩講乜嘢，我唔知道。」
馬逢國昨接受本報查詢時稱，梁振英已就「體育界對經濟冇貢獻」言論作出澄清，着記者不要執着於梁的一兩句說話，要了解梁當時是在談特首選委會的均衡參與：「我諗你（記者）唔好捉住佢一句半句話嚟講，你要睇佢當時語境係講乜先得……佢個意思係：體育界唔係主要以經濟貢獻作為計算和考慮，我聽到意思係咁囉。」

多番為梁振英辯護

被問到體育界是否對經濟真的沒貢獻？馬只稱，體育當然有經濟成效：「體育界嘅貢獻唔係只係睇經濟，好多社會效益，呢個係大家都知道嘅事實」，卻始終未有開腔批評曾獲他提名任特首的梁振英。
李慧詩前晚約11時已在facebook發表反駁梁的言論，昨早起更獲傳媒廣泛報道，但本報昨午4時許訪問馬逢國時，他卻指未聽聞李的言論：「我冇聽到李慧詩講乜嘢，我唔知道。（李慧詩說，請梁振英讀一下奧林匹克歷史。）咁我更加唔知道李慧詩係乜嘢意思，你問李慧詩最好。」對於李慧詩、余翠怡等相繼開腔批評梁振英，身為體育界代表如何跟進？馬逢國續為梁護航：「佢（梁）嘅意思唔係貶低體育界嘅經濟價值。」