市場潮流大趨勢係開放競爭，但係要踏出第一步一啲都唔容易，因為要畀機會新加入嘅競爭者，同現有大財團鬥過，咁至可以達到開放競爭嘅目的。電訊業開放係空前成功例子，𠵱家全港市民都受惠。經營油站係一個門檻好高嘅行業，因為現時嘅油站大部份畀現有油公司霸晒，想要攞到個站真唔易，所以政府要出手做番啲嘢。好似當現有油站嘅租期屆滿，政府唔會即時攞出嚟招標，而係等到有幾個喺手至標售。
地政總署喺05至06年度，有4個油站以一籃子方式招標，分別喺薄扶林、鰂魚涌、太子道西同東涌。另外，窩打老道及銅鑼灣堅拿道西兩個油站，都係一併標售。而03至04及04至05年度，就分別試過5個油站一次過推出招標。