近日教育局四處散佈白色恐怖，要求學校「訓輔」被捕學生，更明言要學校阻止師生就反對「港版國安法」參與罷工罷課，禁止學生在校內發起叫口號、拉人鏈及唱政治歌曲等行動。「將軍澳學生陣線」和「將軍澳聯校討論區」原定今午在將軍澳單車館外舉行人鏈活動，但將軍澳聯校關注組最後一刻宣佈要取消有關活動。

關注組將矛頭直指早前網上流傳將軍澳警區指揮官顏鐵誠向區內多家學校發信，表示警方已留意到有網上號召學生在19日舉行的公眾活動，指有關活動可能違反「非法集結罪」，亦可能違反「限聚令」，又指「警區絕不容忍任何違法暴力行為，會因應現場情況果斷執法，包括進行拘捕」。關注組認為，警方在活動期間會進行「大包圍拘捕」，為顧及學生個人安全，決定取消活動。

不過，惡法來臨前夕，逾百名市民和學生無懼白色恐怖，響應網民發起今午2時在APM內進行的觀塘區聯校「和你Sing」，逾百名市民商場內叫「香港人建國」、「光復香港，時代革命」等口號，有人揮動「光復」旗，亦有人掛起標語、寫上「政治乃眾人之事」，呼籲市民參與明天的罷工罷課公投。眾人叫口號期間，商舖如常營業，商場保安沒有阻止。活動至下午約3時半和平散去。

六旬翁堅持抗爭：唔出嚟點對得住下一代嘅子孫

手持「光復」旗的65歲丘伯伯說，仍堅持出來是驚人數少，「我好驚啲人冷淡落去，但呢個時間更應該出嚟，過幾日可能環境惡劣咗就冇機會出嚟，希望香港人係頑強咁爭取自己嘅民主自由，同埋係對啲學生年青人要support」。他指，「如果我哋唔出嚟，小學生都俾人拉，仲點對得住下一代嘅子孫？我好在意如果我今日翹埋雙手喺屋企剝花生，當個運動成功咗，我啲子孫知道佢屋企人冇出過力，會係一個缺陷。如果佢大個仔，原來我阿爺每次都有出嚟，今日所享受嘅民主自由，係我阿爺都有份出過力嘅，咁就係光榮。」

六四後已關注時事的丘伯伯形容，共產黨如黑社會組織，但相信這政權早晚會倒台。他指，去年起的抗爭運動，年輕人比他們這些「老嘢」更有犧牲精神，「佢哋一啲都唔驚，咁我哋呢啲夜幕低垂嘅老人家仲驚乜嘢呢？如果佢一棍打死我嘅，我仲安樂啦，頭上有光環啦係咪？」

丘伯伯說，覺得自己未被捕過是「缺陷」，「我想同啲年輕人講，你哋嘅日子係康莊大道，你哋嘅付出唔會白費嘅。今日被捕或者受咗咁多苦，呢啲係光環嚟，等佢哋大個仔（就明白）曾經捱過幾棍、坐過監，呢啲唔係羞辱」。至於建制聲稱年輕人是被煽動，他反駁，年輕人分析能力強，「係佢哋（建制）失敗啦，點解唔煽動啲年輕人出嚟支持祖國呢？」

手持文宣的打工一族吳小姐說，「見到年青人出嚟，我哋仲可以唔出嚟咩？佢哋付出咁多，我哋付出啲咩啫？」她斥，反修例風波至今，歸咎政府「先犯法」，「唔聽民意，一味打壓年青人，搞到而家好似喺香港年青就係罪，仲有濫捕。呢個港共政府點對得住年青人？」

吳小姐稱，自2003年23條起關注時事，但不是盲目參與，出來只為公義。她說，回想去年的反修例事件，政府處理手法甚差，當有100萬、200萬港人和平上街反對時，仍不願撤回修例，才引致今日局面，「唔係我哋攬炒，係呢個特衰政府想攬炒」。她斥，一年後的今日中共強推國安法，有如「大石砸死蟹」，「有錢嗰啲就走緊。大家都知，一個無信用嘅政權，無信譽嘅國家，邊個會信你？如果信你，就個個支持你啦」。

吳小姐又重申，會堅持五大訴求，必定要成立獨立調查委員會，還原事實真相，追加責任，尤其7.21事件，「啲白衫人打嘅全部係普通街坊，你咁樣打人，又放啲人走，所謂嘅三權分立，變咗三權合作，不停打壓香港人。香港舊時仲有公義，而家已經無啦，只有打壓」。她寄語堅持抗爭的人要be water，不要與「喪盡天良」的警察硬碰。

中二生穿校服到場 怒轟政府「仆街」

身穿校服到場的中二生吳同學說，因國安法殺到，希望表達最後的心聲，「最緊要係香港獨立同做到五大訴求」。他指，自去年6月已關心時事，至9月大批市民到機場「和你塞」，令他感到港人十分齊心，促使他走上街頭，強調自己沒有被煽動。他批評，政府看見200萬人上街還無視民意，「之後手足出嚟抗爭佢都唔理，咁你話個政府係咪仆街呀？」

對於警方最近以大圍捕方式清場，吳同學說，出來也很擔心被捕，「都驚㗎，但可以點啫？」他說，無論是國安法或國歌法等，「係個政府仆街，佢要攬炒我都冇辦法，我哋已經做咗應該做嘅」。

警方下午1時許起已在APM多個出口派防暴警員駐守，包括APM通往裕民坊及觀塘站的天橋出口、地面東亞銀行出口等，APM對開觀塘道有約10架衝鋒車和豬籠車等戒備。防暴警員均全副裝備，手持短盾或胡椒球彈槍等，並配備胡椒噴霧和橙色封鎖線等，其間不停截查市民，記者現場觀察，被截查的以穿黑衫、戴黑口罩的年輕人為主，亦有穿校服的中學生遭警截查。

直播重溫

《果燃台》
《蘋果》Facebook
《蘋果》YouTube

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多