天后王菲與首任丈夫竇唯所生嘅18歲女兒竇靖童（童童），盡得雙親真傳，早已為加入樂壇下了不少功夫，童童經常喺網上發表作品，之前更有報道指王菲男友謝霆鋒曾想簽佢為旗下藝人，近日再傳出王菲建議童童，喺日本推出英文專輯入行，並簽畀佢現任經理人陳家瑛，二人已喺今年初去過日本見當地製作人。

到今日又再傳出新版本，據內地消息稱，童童嘅前繼父李亞鵬，早前接受內地時尚雜誌訪問時，指童童已放棄學業，並全力籌備出碟，仲話佢簽咗英國唱片公司，走創作歌手路線，加入樂壇。

事實上，童童簽英國唱片公司早有端倪，佢早前喺網上發表新歌《Chimes》及MV，全部係外國班底，又與曾獲格林美提名、先後為BritneySpears及澳洲饒舌歌手IggyAzalea作過歌的音樂組合InvisibleMen一齊作曲及製作，MV更喺倫敦取景，童童以低沉歌聲演繹，相信佢應該會走非主流創作歌手發展。