喺周日第八場賽事，告東尼有一對「好好機會」同「進攻足球」列陣，前駒配楊明綸，後駒配蔡明紹(Matthew)，又是一個熟悉的三角組合。還記得國慶日，蔡明紹騎「牛精大師」沿途跟住廐侶「蓬萊仙子」(楊明綸騎)，結果俾後駒塞足全程飲恨而回。過終點後，Matthew立刻望住楊明綸。唔知係咪吸收咗上次教訓，Matthew今次都要了解吓「對手」，今朝佢幫隻「好好機會」操練，沿途廐主告東尼到實，睇嚟都好緊張。睇吓今次東廐廐一對馬，邊隻會跑得好啲啦。