黃曉明上年喺上海同fans搞生日派對,揚言今年必娶女友Angelababy,唔知黃曉明係唔係打鐵趁熱,最近向Baby求婚成功呢?
日前Baby出席活動,右手中指仲戴上一隻閃爆巨鑽,網民即猜測係唔係曉明求婚成功。其實除咗戒指之外,據知「女漢子」Baby已冇再參加內地版《Running Man》,Baby因為參加呢個綜藝節目,喺內地人氣急升,但現在忽然唔再參加,真係會令人諗到Baby要準備做「曉明新娘」呀!
不過Baby所屬經理人公司已經解釋Baby戴上嘅巨鑽係品牌贊助,睇嚟係Fans太想佢哋拉埋天窗,無論點都好,今年都會有佢哋嘅「好消息」㗎喇!