陳法拉近年到美國進修，最近難得返香港出席活動，即抽空同朋友相聚。

噚晚法拉就約埋《東西宮略》一班演員食飯，呂慧儀（長腳蟹）、郭晉安、阮小儀、陳敏之都有出席，雖然劇集喺2012年播出街，但大家合作完到Keep到咁好感情，非常難得。

敏之今早喺微博上載多張飯局嘅合照，仲有呂慧儀囝囝蟹籽及郭晉安囡囡，敏之留言：「我們又相聚了！這份友誼從一起拍《東西宮略》開始，看著大家一起成長，拍拖，結婚，生小孩！每次聚會都越來越多人了！」不過，相信下次飯局可能會再多啲人，因為敏之囝囝「雷冬至」同安仔囝囝令山都未有到場，如果去埋相信會更加熱鬧，至於陳法拉同小儀就要加把勁喇！