決定以剖析賭馬心態為題材時，已預計有人覺得道理一字咁淺，但結合自己實戰經驗及身邊人遭遇，大部分人在馬場輸錢又或贏不夠多，就是因為將這些顯淺的下注心法拋諸腦後，所以我仍會在這方面多花一點筆墨。
言歸正傳，賭馬屬短線投機活動，賭波又或以即日鮮方法炒股亦然，為甚麼仍有不少人選擇在馬場搵機會?我想主要原因是賭馬相對上賠率較佳，比較容易做到本少利大。
假若大家也是貪賭馬本少利大，按理每當想賭的馬越好分，就應該要多入貨，從經驗學角度，這最能發揮注碼的邊際效用(MarginalUtility)。但在香港馬場，實況卻掉頭走，不少人見心水越熱越買，反而分頭超出預期，有人竟會減注，甚至十蚊也不敢沾手，不計最終輸贏，章法已有問題。
賭馬的人就是那麼奇怪，既喜歡在馬友面前表現自己的真知灼見，但某程度上又信不過自己，不少人眼見自己心儀的馬臨場偏冷，第一件事不是為此沾沾自喜繼而加碼，相反是擔心點會咁好分?繼而懷疑自己睇錯，因為篤信賠率反映了大眾期望，最終減注甚至唔買，到心水跑出分分鐘無錢贏，還要蝕了賽前研度時間。
馬場這邊有人贏錢，那一邊定必定有人要掏荷包，要賺得夠多，就是當眾人皆醉你獨醒時，才會有好賠率。時刻信自己多個市場，最起碼不會錯過每個回報可觀的賺錢機會。