劉玉翠就話：「之前似坐過山車，睇返之前兩個月，我啲抑鬱都發作，不過前日公佈消息，開心到瞓唔着。」劉玉翠又表示：「自己係港視有節目，希望可以重生，過去兩個月我係有糧出，但個人好悶，有諗過轉行，0依家唔使。」佢又慨嘆今次事件看盡人情冷暖，有人知道佢哋未獲發牌時，直指劉玉翠會冇啖好食，0依家港視有出頭天，大家都讚佢老闆王維基好人。

港視眾藝員嘅合約，大部份喺明年初約滿，但係大家都話未開始傾續約。艾威話收到消息，喺被通知未能發免費電視牌時，而擱置開拍嘅新劇《天網》，收到消息將會重開，而元華就話明年1月就會有新工作。