現年38歲嘅林峯同交往5年嘅吳千語甩拖，之後俾本報獨家踢爆火速戀上大陸女模、27歲嘅張馨月（新聞連結： https://bit.ly/2PAxhQB）。有家加持所以林峯早前喺大陸出席一珠寶店嘅記者會，都顯得精神爽利。林峯以珠寶店「Love Forever愛恆久」系列代言人身份出場。

喺台上由大會嘅舞蹈員即場教佢跳周年慶舞，引到現場fans尖叫，當然唔少得係玩遊戲送禮物，林峯喺台上話：「多年嚟合作無間，彼此間已建立了深厚嘅感情。非常認同品牌致力傳遞恆久真愛嘅理念，希望借呢次機會，將愛同美嘅文化傳播得更久遠。」之後林峯其後更之後佢去到10年前親剪綵嘅武商世貿廣場分店巡鋪，親手派出百枚足金金章。

另外，珠寶店仲加入香港元素，開咗一間「91街區」快閃店（Pop-up Store），入面有港式奶茶店、雙層巴士合影區、地鐵站合影區同香港特色街道建設，仲展示該公司多年讚助香港小姐嘅后冠。

精選娛聞，喺晒《娛果》
http://fb.com/appledailyent