袁彩雲早前購入新款積架X-Type旅行車,作為的聖誕禮物及生日禮物獎勵自己,她說:「其實我等咗三個月先收到架車,積架一直都係我心目中嘅dreamcar,我以前覺得等到我退休先會買到,估唔到我𠵱家已經可以,所以都好開心,而且我屋企人成日喺外地嚟探我,咁買咗車佢哋可以坐得舒服啲。」
貪黑色夠高傲
雖然車價三十六萬元,但彩雲仍覺值得,她說:「內櫳係sport版,香港係第一架,因為我想成架車可以襯番自己,佢哋唔單止唔使我加錢幫我改,重送咗個CY字母車牌畀我,我英文名係YuenChoiWan,唔使投車牌都有個咁靚嘅車牌,好開心。」問到她車身黑色可有特別意思,她說:「冇㗎!我自己好鍾意黑色,感覺好高傲、好強!」
車尾寬敞實用
袁彩雲表示購入新車後令她更努力工作,她說:「睇到架車更加有推動力,以後要努力做嘢。」彩雲對於愛車讚不絕口,更表示車尾十分寬敞,可以擺放其心愛的高爾夫球球具,她說:「我𠵱家一得閒就去打golf,可以挑戰自己,始終打golf係冇人可以幫到你。」
採訪、攝影:王崇穎