記者在斌仔手術翌日來到醫院探望他，只見不久前還在深切治療部接受觀察的斌仔，已轉回普通病房休息，記者見其左額蓋上一塊紗布，左手插着吊針，左眼雖然腫得睜不開來，惟卻精神飽滿，右眼睛睩睩地轉，還懂向記者打招呼，十分精靈。
手術後精神好
「我都估唔到佢咁快就可以轉番出嚟普通病房，頭先重食咗少少麫包㖭，不過佢話有啲頭暈同埋個身發滾，但係都好過上次喺大陸做，做完成塊臉積晒瘀血，要成個月先散。」陳媽媽撫着兒子的臉頰說。徹夜未眠的陳媽媽精神看來較兒子還差。
躺在床上的斌仔此時覺得有點不適，雙腳不時亂撐。陳媽媽見狀，隨即使出萬試萬靈的「撒手鐧」，在他耳邊輕聲地說：「唔使怕呀，等你好番之後，媽咪帶你去海洋公園玩，好唔好？」斌仔聽後便又乖乖地安靜下來。
特地拋下工作由內地來港的陳爸爸則露出近來難得一見的笑容，他說：「見佢精神咁好，個心都安樂晒。」
陳媽媽笑說，斌仔當日經過五個多小時的手術後，醒過來第一句便說：「媽咪，我喺邊呀？我係咪開完刀啦？𠵱家幾多點呀？哎吔，我冇得睇馬騮精（電視劇集《齊天大聖孫悟空》）囉。」令她哭笑不得。