侍仔：佢前面竟然用基奧斯比羅斯（簡稱G羅斯）同蘇斯克查，一個新到唔新，一個又就退休。費Sir究竟想點先？新一季用G羅斯拍朗尼？
菠蘿文：G羅斯唔差，但佢同朗尼都要有個中鋒幫吓手㗎。將來擺佢兩個出去，費Sir係咪唔想踢歐冠盃？
招積域：之前你話費Sir唔識投資，𠵱家你又話佢用新人G羅斯唔啱。
菠蘿文：我覺得G羅斯點都要出啦，問題係費Sir真係唔打算買一個正中鋒代替雲佬，或者佢想變呢？
侍仔：都幾好變喎，又買咗個卡域克，買入價又高過雲佬個賣價，莫非佢真係可以代替埋加度素？
菠蘿文：費Sir，你真係好好嘢！
招積域：佢勁就係人都知，但佢𠵱家係近乎發神經。
菠蘿文：有冇睇到修咸頓增兵？佢哋喺赫斯入嗰個捷克國腳施卡素，值160萬鎊。
招積域：因為修咸頓領隊佐治貝利上季教過赫斯半季，成隊波都百分百撐佢，後來只係俾老闆迫走。修咸頓今季有佢喺度，真係可以重返英超。
侍仔：施卡素？我未聽過喎，佢有咩嘢勁呢？
招積域：佢上季喺馬賽外借去赫斯，平咗蘇超連續7場有入球嘅紀錄，可以話係佐治貝利嘅愛將。𠵱家過檔英冠，下季可以喺英超見到佢啦！
侍仔：領隊威力真大，費Sir教20年都喺曼聯度坐，其實佢係咪應該出外廣結天下緣呢？佐治貝利級數雖然唔同，但佢有嘅係個人關係同魅力。
文：高洛文