除了對《明報》失望外，對於公民黨余冠威在區選競選單張上刪掉了與他的合照，馬丁說來並不介懷，坦承候選人或擔心他成負資產，對這些候選人做法表示理解，並指是「人之常情」，因此不會要求對方道歉。單是這份廣闊心胸，政界新丁就要多多學習了。
有民主黨中人對單仁說，余冠威明顯「未夠道行」，這個時候任何被人懷疑與馬丁劃清界線的舉動，都極為不智，「泛民堅定支持者會認為你係反骨仔，隨時唔投你一票，嗰啲唔妥馬丁嘅人，又唔會因為咁投你一票，結果只會得不償失，公民黨班𡃁仔仲要有排學！」
但他承認，就算越來越多市民得悉馬丁沒有着美國藉奧運向中國人權施壓，不少左派及傳媒的批評完全建基於扭曲言論，泛民就算可以反擊，在政治上卻「冇乜着數」，「就算市民發現馬丁真係俾人老屈，但係佢哋已經好討厭民主派成日同左派拗嚟拗去，都唔係做嘢！加埋《明報》咁郁我哋，好多中產真係覺得佢係中立報紙，信晒佢哋講，無論我哋點解釋都冇用，所以左計右計，今次最叻都係打個和！」