韓國早前宣佈要翻拍內地人氣穿越古裝劇《步步驚心》，仲改名為《月亮的戀人》，由於新劇明年1月至2月左右開拍，劇組近日都好忙咁選緊角，繼早前邀請韓劇《夜行書生》男星李準基演男主角「四阿哥」之後，今日又傳出搵男團EXO成員伯賢加盟。

今日，相關人士透露：「伯賢將演出由內地劇《步步驚心》翻拍嘅韓劇《月亮的戀人》，作為伯賢出道以來第一部電視劇作品。」仲透露伯賢將於劇中飾演眾多皇子其中一名，粉絲就估計佢可能飾演「十阿哥」（內地版由葉祖新飾），而伯賢所屬嘅SM事務所就回應：「積極討論中。」聽口吻，成數好高。