側田近日畀本報獨家爆出，一拖二返私竇，仲同個女仔大髀叠大髀，相當親熱。側田仲除埋佢嘅「最後防線」鴨咀帽，露出個光頭。喺噚日，側田透過公司表示私人事唔回應；而喺今日，側田就喺佢嘅自嘅微博，回應呢一件私人事喇。

佢話：「對於成為娛樂新聞主角嘅我，必須護我嘅家人，朋友同歌迷作出交代：

第一.我已經單身好耐，有特別交代，係因為我講嘢唔叻，唔識表逹自己，唔想無端端就嚟自己講分咗手。我只向屋企同經理人公司交代。

第二.事件發生喺大半年前，當時我喺香港未有固家住所，經理人公司為我租咗個Apartment，係我半個屋企，我唔能夠相信喺自己屋企嘅聚會相，竟然大半年後喺報紙出現？嗰種被出賣嘅感受好難受！另外，我必須要為相中嘅女仔澄清，佢哋係我朋友，唔係乜嘢『小姐』。

我知道任何人睇到今次新聞都會覺得:『嘩，呢個側田搞乜鬼？』令愛錫我嘅人擔心，我個心更難受!

呢件事令我明白，原來我仲有好多地方做得未夠好，我已經喺度學習做得更加好，所以我會為自己做咗嘅負責任及面對！

目前，我會繼續努力作曲，做歌，工作，留守香港，繼續做我嘅單身寡佬！」