壹傳媒集團創辦人黎智英今日（31日）亦有參與民陣的遊行，反對港府修訂《逃犯條例》，形容今次修例對傳媒界影響極大。黎說：「呢單嘢好緊要㗎大佬，呢單嘢過咗，我哋（傳媒）無得做㗎！傳媒無得做㗎！你話報道大陸新聞，佢（大陸政府）話你洩露國家機密；你批評佢，佢又話你顛覆國家安全，咁就無㗎嘞，而家有嗰少少新聞自由，都無埋㗎喇。」他呼籲港人一定要盡量反對今次修例，「過咗死㗎呢單嘢，慘過23條啊！」

浸大新聞系前助理教授杜耀明亦有參加遊行，認為今次修例會令香港的傳媒報道和評論新聞的自由，不自覺地隨時跌入陷阱，「因為唔係由一個客觀的法律決定，而係由北京政府隨佢政治需要決定，所以唔單止係記者有危險，連言論自由都會收縮，甚至乎連每個人行動自由，都會受限制；你唔返大陸，都可能中招，要喺陰影下生活。」

民主黨創黨主席李柱銘則指，今次是他自1989年六四後，首度連續兩日上街遊行，「因為（修例）呢樣嘢，肯定惡過23條立法」，批評譚惠珠今早所言完全錯誤，「點解錯呢？因為香港政府唔會話你無犯罪，夾硬話你犯罪，但大陸係鍾意乜就乜，你無犯罪，都可以話你犯罪，跟住佢就搵啲人入張誓章，咁就表面證據成立，香港法官都救你唔到，就會將你引渡，返到去（大陸），2個星期左右，你就要喺電視機前認錯，所以係好嚴重嘅。」李柱銘呼籲港人企硬，反對今次修例，「一定唔過得，一過咗，連外國人都有問題，一樣可以俾佢亂咁告，再拉番去大陸，所以唔只香港人，係每一個人都有危險，所有嚟香港嘅外國人都有危險，香港再唔係國際城市。」

過去曾因反對大陸政府公佈「一國兩制白皮書」而於2014年參加7.1遊行的前全國政協委員劉夢熊，今午亦罕有高舉「保衞一國兩制」的標語參加遊行，指大陸一向可因政治需要，將法律「搓圓㩒扁」，認為今次修例完全違反中共前領導人鄧小平處理香港問題的基本立場，指政府口中的「漏洞」，其實是為保障香港人的人身安全，「所以政府現時修例，並唔係堵塞漏洞，而係製造漏洞，所以我要行出嚟反對」。

-----------------------------
免費訂閱《蘋果動新聞》， 無懼霸權橫行！立即登記！
https://hk.adai.ly/bXz2v29BrV
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV