當年今日
關於我們

【感受唔到限韓令】池昌旭新片贏玄彬 當兵前想騎電單車旅行

蘋果日報 2017/02/13 15:00

玄彬池昌旭秘密任務被操縱的城市限韓令

由池昌旭及沈恩京主演嘅新片《被操縱的城市》,上周四於韓國上映,上映4日就突破100萬入場人次,成為今年最快衝破100萬人次嘅韓國電影。而於剛過去嘅周末,《被操縱的城市》於周末票房榜封冠,撼贏玄彬及劉海鎮主演嘅《秘密任務》,《秘密任務》就跌落第二名。而《被操縱的城市》一眾演員就公開捧住蛋糕嘅照片,慶祝電影叫好叫座。
另外,池昌旭早前接受韓媒訪問時,透露好鍾意騎電單車,覺得好紓壓,更透露想於當兵前跟朋友騎電單車度假。提到大陸嘅「限韓令」,佢表示:「我感受唔到限韓令,因為廣告合約同拍攝都已經完成,所以冇受到太大影響。不過,有一部電視劇拍好但仲未播,我諗應該好快就會播出!」