【冇上頭儀式？】卓韻芝結婚前夕　搞芝see菇Bi飯局

蘋果日報 2018/09/15 14:34

卓韻芝俞琤芝See菇Bi梁子賢
    39歲才女卓韻芝今日嫁畀34歲從事電影美術嘅「閃電俠」梁子賢，一對新人今朝跪地斟茶畀阿芝婆婆，同向主婚人俞琤敬茶，場面好溫馨。阿芝今晚嘅婚宴會喺中環外國記者會舉行婚禮，將會忙足一日。
    阿芝出嫁前夕，佢做去做gym瘦身，仲自拍大騷肌，宣佈婚訊後，佢積極keep fit，想以最佳狀態，做個靚靚新娘披嫁衣。至於噚晚，一對新人真係避見，唔見阿芝搞上頭儀式，只見阿芝同婆婆約咗至親晚飯，阿芝貼相喺Ig同限時動態，相中仲見到伯樂俞琤，佢着住波點裇衫出席，大家圍喺圓枱開餐，仲嘆紅酒，感覺真係好warm吓。阿芝男親友仲唱opera助興，婆婆笑到見牙唔見眼，係咁拍掌和應，氣氛high，婆婆仲啍咗幾句。阿芝貼相Ig，佢噚晚留言：「This is the real 芝see菇Bi Family#今晚梗係要同屋企人食飯啦。Let me introduce my extremely talented opera singer cousin all the way from Toronto! #他的歌聲令婆婆唱歌癮起。」
    今晚婚後，阿芝未會立即往度蜜月，佢會馬上投入下月嘅talk show，佢仲貼咗拍攝宣傳海報花絮片，佢噚晚話：「喂我聽日（應該係今日先啱）結婚喇，你哋快啲乖乖地同我掃 #呃呃氹氹OneNightStand 啲飛啦，我真係不是想趁結婚sell飛，而係相反：我掛住搞婚禮連開售日期都冇公布，知道賣緊飛先嚟出post，被主辦單位追問我又唯有佛系。係咁啦！做show純綷個人志向，多謝各位嘅祝福，我會做個無憂無慮嘅新娘！好期待呀！#山竹望住我雙眼呃呃氹氹遲嚟一晚。」
    精選娛聞，喺晒《娛果》
    http://fb.com/appledailyent
    empty
    阿芝婆婆噚晚起都唱番兩句助興。(Ig圖片）
    empty
    俞琤同婆婆噚晚傾得好開心，仲一齊嘆紅酒。(Ig圖片）
    empty
    卓韻芝噚晚大搞芝see菇Bi飯局 。(Ig圖片）
    empty
    卓韻芝噚日仲喪做gym。 (Ig圖片）
    empty
    卓韻芝噚晚分享跟家人快樂時刻。(Ig圖片）
    empty
    卓韻芝下月會搞talk show。(Ig圖片）
    empty
    婆婆最開心見證卓韻芝嫁得好歸宿。