隨住基斯保羅轉投火箭，今夏約滿快艇嘅射手列迪克（J.J. Redick），似乎都唔會再留喺洛城！33歲嘅列迪克喺上季平均得15分，而三分球命中率亦有42.9%；據悉列迪克希望簽一份年薪至少有1,800萬美元（約1.4億港元）嘅合約，而76人同網隊都有意將呢位射手收歸旗下。

湖人後衞卡拉臣（Jordan Clarkson）周三都喺twitter嗌列迪克轉投洛城另一支球隊，不過之後佢就急急刪文，令人懷疑佢係想私訊列迪克，但係唔小心變咗公開出post。