【本報訊】行政會議成員兼民主思路召集人湯家驊日前率團訪京，更與港澳辦主任張曉明單獨賞櫻，湯昨形容會面「羅曼蒂克」，兩人的對話基礎及關係並提升。本身是資深大律師的湯家驊認為一國兩制下，不認同參加本港選舉的人士須效忠特區政府、中央政府或共產黨，又指在京期間，「從來冇討論過『一黨專政』呢四個字」。
記者：姚國雄

湯家驊昨於電台節目透露，上周四是經國務院安排與張曉明會面，張甫見面問他穿的鞋子是否適合散步，湯回應可以後，張旋即更衣換鞋帶他到附近的玉淵潭公園欣賞北京的櫻花。雖然上京志不在賞櫻，但湯指由於不好逆主人家意思，故此應邀同行，形容此行確有詩意的浪漫。

不認同政府派錢

湯指，自2000年起認識張曉明，形容張是立場強硬的人，張對他個人所代表的核心價值有保留，但今次二人見面言談甚歡，雙方曾就一國兩制界線劃分、港人選舉權利及憲法等問題有激烈爭拗，但認為情況正常，認為在賞櫻的輕鬆環境下，即使討論到敏感、具爭議性課題，也能交談，「甚至達成某程度嘅互相了解，所以喺呢方面，我認為我哋兩人嘅對話基礎同關係係提升咗」，又形容張的態度「有少少令我吃咗一驚」。
湯表明此行沒有討論過「一黨專政」的問題，他個人不認為市民「隨便喊打倒一黨專政」便不能參選，「喺一國兩制下，唔應該係要擁護共產黨或效忠共產黨，至可以享用、行使我哋嘅選舉權、發言權或者表達自由嘅權利，我認為呢個係一國兩制下一個相當重要嘅指標……《基本法》講參選要求，只係話要效忠《基本法》同效忠特區，唔係效忠特區政府，既然唔使效忠特區政府，我睇唔到點解要效忠中央政府，更加唔使效忠中央政府背後嘅政黨」。
雖然身兼行會成員，湯家驊表明他不認同政府派錢：「我唔係咁擁抱『派』呢樣嘢，呢樣嘢係一時之快……我對派錢，對唔住，係有一種特別嘅睇法，我唔係批評政府嘅決定，派錢係最簡單，冇乜嘢特別長遠建設性嘅措施。」