【之前冇人請】蘇玉華膽粗粗邀約成功 Deanie姐出道50年首演舞台劇
蘋果日報 2019/09/02 15:15
蘇玉華葉德嫻deanie姐潘燦良
蘇玉華、潘燦良、葉德嫻、凌文龍將於12月演出廿七場舞台劇《親親麗南》，劇團今日在香港藝術中心宣傳，蘇玉華與Deanie姐會演母女角色。
蘇玉華和潘燦良對於今次能夠邀請葉德嫻加入團隊，12月一同演出舞台劇《親親麗南》感到興奮。原來年半前阿蘇演出舞台劇《謊言 》時，Deanie姐有自己買飛入場欣賞，之後再到後台鼓勵劇組，後來二人希望相約Deanie姐茶敍以表謝意及交個朋友，就在一次阿蘇和潘燦良在戲院巧遇Deanie姐帶着小朋友看電影，阿蘇放膽上前打招呼邀請Deanie姐茶敍，當時Deanie姐立刻應承，但阿蘇太緊張，事後發現沒有Deanie姐電話，幸好最終在共同朋友之間取得聯絡，成功飯聚，大家有好多共同話題。
後來真正邀請Deanie姐演舞台劇時，Deanie姐竟然表示驚陀累他人，於是阿蘇誠意希望Deanie姐可先睇劇本，最後促成合作。Deanie姐貴為影后，身價自然有份量，潘燦良說：「錢唔係最重要，大家珍惜合作機會，相信佢都好想搵到合拍夥伴去做第一次舞台劇，而Deanie姐亦睇過我哋團隊合作，相信對我哋有信心。今次呢個平台空間感覺好玩，呢樣最重要，唔好製造太多壓力。」
介紹Deanie姐出場後阿蘇表示：「企佢隔籬唔識講嘢。」Deanie姐說：「咁大場面真係有啲驚囉。」並解釋從影以來何以現在才踏台板首演舞台劇，原因是無人邀請，今次難得獲潘燦良和阿蘇邀請，不理劇本便答應演出。Deanie姐說：「兩位相約我時只係諗住交個朋友，個心卜卜跳之外，都唔知點解會搵我，二話不說應承咗，而且我年紀大，可能做完都say goodbye，繼而又有個靚仔（凌文龍），我真係覺得好幸福，好多謝佢哋。」
舞台劇早前舉行兩場圍讀，Deanie姐覺得好好玩，從未試過，就似做廣播劇一樣有趣，更提議應該每一個劇都有圍讀，讓演員和觀眾先有交流，之後收看與否再由觀眾再決定，Deanie姐說：「我自己睇好多話劇都藐住出嚟。」阿蘇認為專業圍讀是劇團邁進完美一步，Deanie姐曲線讚大家：「覺得排練時間唔夠，個個都咁紅好多工作，冇時間理吓我呢個老人家。」
Deanie姐受訪時透露做舞台劇考記性，自認冇後生仔吸收得快，要出盡九牛二虎之力應付，反觀凌文龍在舞台劇已有十年經驗，Deanie姐只在電影認識對方，得知後稱他為前輩。Deanie姐說：「對我嚟講戲劇想帶出咩畀觀眾就做，唔好理，咁樣啱唔啱呢阿sir ？」身旁的凌文龍速回：「唔好玩我啦太后，我係小龍子，畀條路行下好。」Deanie姐再向凌文龍請教：「如果對我呢啲新手同豬隊友有咩意見，懇請你點醒我，我係真心、謙虛。」凌文龍一臉尷尬表示滴汗，他說：「知道Deanie姐做電影好長時間，經驗同舞台劇一樣，相信只係要適應舞台，完全駕輕就熟，你依然係我長輩。」能夠同Deanie姐合作，他表示興奮多於緊張：「第日可以同人哋講『我同Deanie姐做過戲！你行開啦。』」
採訪：卓寶花
攝影：葉君海
攝影：葉君海
蘇玉華、潘燦良、葉德嫻、凌文龍將於12月演出廿七場舞台劇《親親麗南》
蘇玉華和潘燦良對於今次能夠邀請葉德嫻加入團隊，12月一同演出舞台劇《親親麗南》感到興奮。
蘇玉華在數次與Deanie姐相遇後，膽粗粗邀約對方參演舞台劇。
阿蘇誠意希望Deanie姐可先睇劇本，最後促成合作。
Deanie姐解釋從影以來何以現在才踏台板首演舞台劇，原因竟是無人邀請。
Deanie姐說：「都唔知點解會搵我，二話不說應承咗。」
凌文龍在舞台劇已有十年經驗，Deanie姐只在電影認識對方，得知後稱他為前輩。
舞台劇早前舉行兩場圍讀，Deanie姐覺得好好玩，從未試過。