日本男星木村拓哉噚日去咗台灣，出席時尚界盛會「2018亞洲時尚大賞」（ASIA FASHION AWARD 2018 in Taipei），同佢合作過日劇《月之戀人》嘅林志玲，相隔8年再合體，噚晚林志玲蹺住木村手登場。（相關新聞︰ https://bit.ly/2U6kA2T）

噚晚活動上木村提及，林志玲剛度過44歲生日，會同佢補祝。台灣《蘋果日報》喺活動結束後，見到木村先喺後台同山田優等人同林志玲慶生。二人約晚上9點15分前後腳離開現場，林志玲先上保母車離去，而木村上車後，佢架車停進露營車附近稍作休息，直到9點40分再現身。雖然工作人員刻意靠向露營車，令圍觀嘅群眾睇唔到木村，不過木村人在車上，其fans興奮叫佢名字，其間木村校底車窗同fans揮手，引來一陣尖叫。

之後木村乘坐嘅保母車返回位於信義區嘅酒店，原以為木村返酒店休息，因為佢今日下午喺台灣仲有一個遊戲代言活動要出席。木村返到酒店唔夠5分鐘，林志玲約10點坐保母車嚟到木村入住嘅酒店，冇換衫嘅林志玲，落車時同行仲有一名小女孩。現場嘅木村fans愛屋及烏，見到林志玲亦送上祝福︰「生日快樂！」林志玲回頭甜笑向木村班fans，表達謝意。

精選娛聞，喺晒《娛果》
http://fb.com/appledailyent