英國萬人迷碧咸（David Beckham）完成日本行程返去倫敦後，又再全力照顧四名子女做湊仔公，佢早兩日就帶住寶貝女哈七（Harper Seven）睇囝囝Brooklyn同Cruz踩滑板。

碧咸當日同哈七喺倫敦嘅一個滑板場睇兩個仔踩滑板，已經5歲嘅哈七着住藍色背心裙仔、散開長髮散發少女味，見到佢一時拎住糖食，一時又走番上車玩平板電腦，似乎唔係咁欣賞哥哥踩滑板。

碧咸與太太Victoria悉心照顧四名仔女，更一度為傳佢哋有意再生多個小朋友，不過近日Victoria受訪就否認咗呢個傳聞，佢話現時所有精神已用喺照顧四條化骨龍：「獨立注意每個小朋友都相當重要，我為Brooklyn唔可以太早瞓，為哈七又要一早身起，我感到為咗佢哋我被拉到四個唔同方向。」