韓劇《Doctors》女星朴信惠不時做空中飛人，早前忙於亞洲巡迴粉絲見面會，上月尾又飛去美國洛杉磯，朴信惠於韓國短暫休息後，今早又飛去美國，準備參加紐約時裝周。

朴信惠今早穿上黑色短袖衫配酒紅色格仔長裙，再披上黑色皮褸，全身上下包到冚現身。不過當朴信惠撥頭髮時，就露出粗壯手臂，因而被網民指佢疑似發福。不過粉絲就表示朴信惠之前太瘦，有啲肉反而好睇啲。

另外，近日有粉絲去朴信惠父母開嘅餐廳，成功捕獲到朴信惠媽媽。