本報再接獲多名讀者報料，均指有親友或自己曾深陷內地「1040工程」傳銷騙局，當中「中毒」最深的王小姐，早於2009年舉家到過廣西南寧，共損失約70萬，發現自己被騙時暴瘦20磅，更指因「1040工程」與相識逾廿載的老友反目，「係一生中最羞恥嘅事。」

2008年金融風暴席捲全球，原本做生意的王小姐投資失利，翌年初，一位相識逾廿載的老友便以介紹生意機會為由，引誘她北上。王小姐指，行程與本報早前報道「完全一樣，咁多年都冇變過」，更指當時已有逾千名港人從事「1040工程」。王小姐指自己「好快就畀佢洗咗腦」，急不及待介紹兒子丶女婿及其他共6名親人，更各為其支付6.98萬，「咁好嘅賺錢機會，好想快啲多啲人一齊上嚟。」

王小姐其後不斷來回中港兩地，介紹不同親友北上，期間親友的衣食住行，均須自行墊支，不足兩個月，已投資約70萬，月薪卻未見蹤影。王小姐一覺「覺醒」的契機，是眾親友對其遊說堅拒說不，「佢哋嗰時望我嘅眼神，好鄙視，話一定唔會做呢啲嘢」，兒子更因「1040工程」辭去原本的工作，其上司及同事指責她「摧毀兒子大好前程」，王小姐方驚覺已眾叛親離，「根本係騙局，抬啲錢上大陸畀人分」，醒覺時更暴瘦20磅，「我衰貪心，好後悔，係一生中最羞恥嘅事。」

王小姐指，雖然全家只從事兩個月，惟期間聯絡過的朋友現時已再無聯絡，「反晒面，斷晒六親」，她指兒子返港後覺得羞愧難當，一年再無出門，「佢面對唔到自己做過嘅嘢」。