媽哩媽哩空～意粉懸浮在半空～尖沙咀人氣打卡White Buttom Café最近與時裝品牌Kanalili合作，推出懸浮龍蝦意粉和全日下午茶，同時換上夢幻粉色花系佈置，又要約閨蜜來食飯和打卡了！

意粉懸浮箇中有何魔法？要等食客自行拆解。而美味的原因，就是用龍蝦湯、牛奶、忌廉和茄醬等烹煮。兩大塊波士頓龍蝦肉，肉厚新鮮彈牙，意粉煙韌掛汁，醬汁濃郁鮮味，櫻花蝦添惹味。分量足夠兩個女生Share，睇得又食得，對得起$188這價錢。

全日下午茶用手袋盛載呈上，心形的士多啤梨芝士餅、唇膏扭出啫喱、森林野莓啫喱雪條，造型過癮。鹹點有牛油果多士和牛油果煙三文魚漢堡，味道較好。包兩杯飲品，特色的鐵塔和沙冰系列，賣相精緻，適合打卡。二人份都只是$268，價錢合宜。

標誌性的甜品亦推出新口味，芝士雪糕奶蓋千層蛋糕獨創以雪糕作夾層，雲呢拿配芝士，鹹甜交融，味道很夾，推介！日本紫薯千層蛋糕紫薯味濃，蛋糕皮薄，忌廉綿滑。芝士奶蓋梳乎厘班戟富空氣感，入口即化，充滿蛋香。

餐廳佈置以Kanalili的衣櫥為題，洗衣店圖案的背景、霓虹燈牌、掛畫等少女風裝飾，打卡位多，亦有衣服售賣。一次滿足食飯、打卡和睇衫三個願望。

採訪：梁曉欣
攝影：周義安

White Button Café & Dessert
地址：尖沙咀亞士厘道23號雅士利中心12樓
營業時間：星期一至日12nn-10pm
詳情： http://bit.ly/2Yc0Wod

更多新店食評
立即免費下載《飲食男女》App ： http://onelink.to/etwapp
《飲食男女》網站 ： http://etw.hk