【新增圖片】
年屆70歲嘅日本男歌手澤田研二，曾經以妖男形象爆紅亞洲，向來好有性格嘅佢周三假埼玉Super Arena開騷，點知佢在開場前一小時突然宣佈取消，令大批歌迷慘食閉門羹。

澤田研二事後公開道歉，承認當日演唱會嘅入座率差強人意，在綵排時發現大量座位用黑布蓋上，一怒之下才決定取消個唱。事件引來各方炮轟，直斥澤田唔專業又出賣了fans對佢嘅信任。

網上有傳澤田研二打算在個唱上發起反核簽名運動，繼而被主辦商煞停演出，佢事務所及會場方面已作出否認。昨日下午，澤田再次現身，約20名記者在其寓所外守候，澤田表示出發為周日嘅大阪個唱作準備，佢透露大阪騷會如期舉行，記者問到佢有否嘢要同歌迷講？澤田話：「我會喺台上交代。」今日大阪騷位於容納千多人嘅SAYAKA會堂舉行，據知1,200張門票已售罄，今早已有大批傳媒到場外採訪。

精選娛聞，喺晒《娛果》
http://fb.com/appledailyent