韓國女團Brown Eyed Girls成員佳仁月初時喺Instagram爆seed，指曾被演員男友朱智勛嘅朋友朴正旭引誘食大麻，首爾地方警察廳嘅毒品調查科已展開調查。

據知警方已取得相關通話內容，認為佳仁嘅主張有可信性，因此將對朴正旭及其身邊人嘅通話紀錄進行比較，搵出疑點。警方正準備將案件轉為強制搜查，並將對朴正旭不拘留立案調查，警方預計將於聽日發表有關調查嘅詳情。

另外，男團BIGBANG成員T.O.P被爆曾於寓所吸食大麻而遭檢方起訴，案件將於周四進行一審。