竇靖童有兩個妹妹，雖然跟細妹李嫣唔同爸爸，跟大妹竇佳嫄唔同媽媽，但童童好愛錫兩個妹妹，李嫣甫出世患兔唇，10多年前王菲和李亞鵬帶兩個女兒來港，當時只有幾歲嘅童童，挺身擋傳媒鏡頭保護細妹；今日，童童又力撐大妹竇佳嫄出碟，替妹妹圓歌星夢感開心。

童童同父異母妹妹竇佳嫄宣布出碟，竇佳嫄係王菲前夫竇唯同第二任老婆高原所生嘅女兒，當年竇唯出軌背妻偷嗒高原，結果與王菲離婚另娶高原，並生下女兒竇佳嫄，但兩人嘅婚姻僅維持2年。童童雖然跟媽咪生活，但一直與生父保持來往，而且與繼妹感情好好。

竇唯是很有才華嘅音樂人，當年曾組黑豹樂隊，現兩個女兒先後加入樂壇，跟王菲所生嘅大女童童，歌手之路有天后媽咪在背後加持，而上月踏入16歲嘅細女佳嫄，同樣熱愛音樂，首支單曲《Star》昨日正式上線，童童第一時間支持妹妹，在微博貼上歌曲link並留言：「《Star》請大家來聽聽」。

童童同佳嫄雖然唔同媽咪，但兩姐妹激似樣，網民都驚嘆竇唯基因強大，昨日兩姐妹齊齊現身北京機場，染咗粉紅頭嘅佳嫄比姐姐更高，兩人邊行邊傾偈似足孖公仔。

精選娛聞，喺晒《娛果》
http://fb.com/appledailyent