當年今日
關於我們

【邵音音患癌】宮雪花讚堅強 黃夏蕙:講畀我一個人聽,全世界都知

蘋果日報 2017/12/01 17:51

宮雪花邵音音黃夏蕙雀巢鳩佔

邵音音被爆出患癌,佢今日接受《蘋果》電話訪問時直認細個發現生皮膚癌,但一直低調接受治療(新聞連結: http://bit.ly/2noqFvB )。音音姐愛熱鬧,佢舊年獲邀出席黃夏蕙壽宴,有人報料指同樣係賓客嘅宮雪花「雀巢鳩佔」,令本來坐主家席嘅邵音音母女無癮提早離場,但音音姐事後平息風波,為花姨解圍。(新聞連結: http://bit.ly/2i5GXUs )
對於音音姐生皮膚癌,花姨今日短訊回覆《蘋果》,為音音姐打氣:「無比堅強的音音。她說她不想被煩。不想大家好奇心下打電話給她。我尊重她意思。她這麼多年堅持拍戲。拿獎拿到手軟。實在是個奇迹。在此表達我的慰問和敬佩之心。以平常心過平常的日子。願她歲月靜好!命運眷顧!」
同音音姐由細玩到大嘅黃夏蕙,今日則話:「我完全唔知佢患癌,佢好口密冇講畀人聽,佢知講畀我一個人聽,全世界都知。」黃夏蕙指音音姐性格樂觀,佢話:「抗癌要保持開心,佢咁開朗,呢啲濕濕碎,佢經得起有餘。」黃夏蕙仲話想聽日抽時間去探吓佢。
更多娛聞,喺晒《娛果》
http://fb.com/appledailyent
empty
花姨(右)同音音姐(中)舊年一齊出席夏蕙姨壽宴,但就爆出爭位事件。
empty
夏蕙姨同音音姐由細玩到大,但都唔知對方生癌。