張立基已屆九旬的母親，於本月14日下午在博愛醫院病逝。明天生日的他工作照舊，但已無心思慶祝生日，如今張立基只有三件事情要辦，分別就是照顧懷孕的未婚妻，努力工作，及查明母親的死因。

張立基的母親因為年事已高，需要專人照顧，故一直住在護老院。上月因屙血尿送入博愛醫院，同日轉送屯門醫院，未幾出院，但護老院指張媽媽仍有屙血尿的情況，故送往博愛醫院。張立基方面指母親是6月26日再送人博愛醫院，一直至離世；院方就指是6月29日入院至病逝。

由於張立基懷疑有人失職導致母親離逝，故今午三時偕未婚妻到丁博愛醫院會議室，舉行記招，表示已同院方溝通，就母親離世進行死因聆訊，交由法庭處理，病人聯絡部主任亦有出席記招，但未有發言。張立基先質疑，母親即使年事已高，可是6月底送院時，精神一直不俗，而且有胃口進食，可是再送入博愛後，情況急轉直下，甚至不能進食，體力衰退，亦令病情嚴重。張立基質疑院方疏忽照顧，哽着咽要召開死因聆訊，追查母親離世的真相。

一臉憔悴的張立基表示，母親上月26日入住博愛醫院，初時精神不俗，直至本月7日突然變得削瘦。張立基稱:「姑娘話媽咪唔係好食得嘢，我問既然情況變差，點解唔做啲決定，例如吊鹽水咁，但冇人解釋我知！7月8號我再探媽咪，情況仲差，冇晒知覺，我叫在場護士睇媽咪，冇人理我，亦冇吊鹽水，我好嬲，搵醫生，醫生再診斷完先幫媽咪吊葡萄糖水，之後媽咪有醒過，但唔知點解醫院冇做嘢保持住媽咪健康？醫生話媽咪年紀老，同埋之前咁多病，都係差唔多，我唔接受呢個解釋！」

張立基又指，母親本來要插喉吸取百分百氧氣，但周一突然減少了百分之三十，他說:「醫護人員話唔想病人倚賴氧氛供應令體質變弱，當時媽咪心跳係135....7月14日晚上11點當值醫生打俾我，表示媽咪腎衰竭嚴重，情況不穩定，隨時會走...」

話至此時，張立基一度哽咽表示:「7月14日1點幾，醫方同我講我cut咗你媽百分之五十嘅氧氣，我唔明點解要再cut佢啲氧氣，都係同一個解釋，當時我走咗之後，3點半鐘打畀我，話畀我聽我阿媽已經過身，我係好唔接受佢呢啲態度對一個病危患者，成日話你阿媽咁多病，差唔多，你點知我阿媽唔可以活下去，係咪有人嚴重錯失或者錯判？我要求召開死因法庭，我唔接受媽咪係自然死亡呢個解釋，要解剖係對唔住媽咪，但我需要有公平交待。媽咪之前腦中風、腎衰竭，但唔可以同家人講『差唔多』，點知我媽咪唔以活到100歲？如果法庭唔接受，我私人都會告。」