嚟緊元旦日（下月1日）跑馬，將會有新面孔騎師來港客串，佢就係剛國際騎師邀請賽獲季軍嘅布達德，客串期至明年2月25日，而今早（28日）尚未見這位高佬騎師現身晨課。

呢位25歲連續兩屆奪得法國冠軍嘅騎師，於元旦11場沙田草地賽事中，將有四匹座騎上陣。其中包括夥拍告東尼馬房「大印銀紙」，出戰當日重頭戲第十場三級賽華商會挑戰盃（1400米），另策該駒廐侶「帝豪寶寶」列陣第八場三班1400米，似乎布達德頗受告仔器重。

布達德的最低出賽造磅為123磅，屬全港現役體重最高騎師之一，跟羅理雅情況相若。

布達德元旦日座騎
場次　馬匹　　　練馬師　檔位
三　　飛越峰　　沈集成　3
四　　馬到成功　賀賢　　7
八　　帝豪寶寶　告東尼　9
十　　大印銀紙　告東尼　1