【激罕晒泳裝】麥雅緻39歲生日撇低仔女過二人世界：老公想生多個

蘋果日報 2020/06/18 14:04

生日麥雅緻李嘉欣張穎康
    人妻麥雅緻（Angie）去年約滿離開TVB後，轉做親子KOL，經常在社交網晒家庭樂，昨日是Angie的39歲生日，一家四口專登訂酒店慶祝，晚上撇低一對寶貝仔女，享受二人世界。在張穎康和麥雅緻的facebook專頁，激罕貼出Angie與6歲大女張雅喬（小豆）的泳裝照，又有一家人錫錫兼切蛋糕的開心相並留言：「今日係我家麥大人嘅生日，多謝大家嘅祝福先！疫情關係唔可以外遊，但係無阻我哋留港慶祝！ 中午同小朋友游游水，食蛋糕，夜晚就係爸爸媽媽嘅『We time』！今晚我執到正（只限髮型）同我老婆浪漫晚餐，小豆出世以來，我哋第一次兩個唔返屋企瞓（係六年喇，小學都讀完喇）不過大家放心，佢哋有好好嘅工人姐姐睇住！今晚嘅感覺，除咗用『偷跳』嚟形容，真係唔知可以點講嘞！ #HAHA之家。」
    Angie今日回覆《蘋果》笑言要得老公批准才可以貼泳裝照：「我老公係唔俾我post㗎，我o氹咗佢好耐，正日生日先o氹到佢。其實我最初只係想食酒店嗰個拿破崙蛋糕，後來發現原來book酒店都好抵玩，就帶埋兩個小朋友去游水，夜晚就同張生dinner同stay overnight...我哋兩個第一次放低小朋友過夜俾工人姐姐照顧。」問到可有計劃生多一個小朋友？她說：「我老公成日都想，不過又話唔想我辛苦喇，計劃中就應該唔會，但都好平常心，隨緣啦。」她表示生日願望好簡單：「希望疫情快快過去，大家身體健康，平安快樂。」
    今個月有好多藝人生日，包括大美人李嘉欣，後日（20號）便踏入50歲，昨日已開始跟朋友預祝生日，她收到大束鮮花留言：「Thank you @elainehui.hk @sugarv @sereneqq for a truly magical night.」另外，還有三哥苗僑偉、王灝兒（JW）和馬天佑亦各上載慶祝生日的相片。
    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    （facebook圖片）
    empty
    麥雅緻激罕孖囡囡晒泳裝（facebook圖片）
    empty
    （facebook圖片）
    empty
    麥雅緻直言老公想生多個小朋友（facebook圖片）
    empty
    （facebook圖片）
    empty
    三哥生日（IG圖片）
    empty
    （IG圖片）
    empty
    李嘉欣預祝50歲生日（IG圖片）
    empty
    JW生日（IG圖片）
    empty
    馬天佑生日（IG圖片）