當年今日
關於我們

林榮基:為保命冇得唔諗離開

蘋果日報 2019/03/12 02:20

銅鑼灣書店逃犯條例林榮基

【本報訊】「林榮基」這名字,因銅鑼灣書店事件令港人認識。政府擬修訂《逃犯條例》,將適用範圍擴大至包括中國等地方,再次將他推上風浪尖,「好似頭上一把刀,為咗保命,我冇得唔諗離開」,他相信修訂是勢在必行,象徵思想和言論自由的出版業必定大受打擊。

empty
談及香港前路,林榮基認為未來只會一直沉淪。
區民傑攝
出版業勢大受打擊
2015年林榮基在內地被擄並囚禁五個月,其後被北京指他在香港郵寄大量書籍,觸犯中國「違法經營書籍銷售」罪。由於現時《逃犯條例》訂明不適用於中國,故中國政府不能將他引渡到內地,但修例後由於林在內地仍有罪在身,「𠵱家喺風浪尖……呢次冇辦法唔走」。林揚言即使特首林鄭月娥開腔說他不會有事也不會信,「因為佢實際上冇咁嘅權力,佢只係一個傀儡,按中國政府意思做事」。林認為修例明顯是港府聽命中央指示,「呢樣嘢係收緊對香港管治嘅一個行為」,形容是「畀個白色恐怖你,自我規範、自我約束」,將來有作家、出版社出版宣揚普世價值書籍,亦可能獲罪要引渡到內地,「個個都怕嘅話,自然唔敢講嘢,書籍唔敢印,書店唔敢賣,作者唔敢寫,影響係全面性」。

訪問期間,每提到香港前路,林面上難掩絕望神情,「香港未來十年只會一直沉淪,人身同言論自由一定會有(更多)規範」。他計劃離港「保命」,「去一個有自由同民主嘅地方」。對於政府月初完成只有為期20日的擬修訂《逃犯條例》公眾諮詢,他認為只是表面工夫:「佢唔聽你,香港人奈佢何呀?」
■記者張文鈴