唔少香港富豪都會向外國著名大學捐款,Panasonic嘅香港代理、即信興集團主席兼行政總裁蒙德揚(細蒙)最近就以蒙氏基金嘅名義,向英國劍橋大學西德尼蘇塞克斯學院(Sidney Sussex College)捐咗筆錢,翻新該學院其中一棟物業Sidney House,改建工程為學生提供更多宿舍房間。唔講唔知,原來Panasonic有個教育及慈善基金,而基金副主席就正正係廣播處前處長「大姐」張敏儀,今次同蒙德揚去英國出席典禮。
獲翻新嘅Sidney House過去逾140年租咗畀律師行,但因租約期滿,學院將律師樓改建成28間學生宿舍房間。蒙家似乎對劍橋大學有情意結。