【新增動新聞】
霆當家球星韋斯卜克（Russell Westbrook）同球隊續約，無論係合約年期、抑或合約本身總值打破聯盟紀錄都好，基本上都係意料中事，簡單嚟講就係呢一切都係預咗會發生。其實韋少之前喺雷霆嘅傳媒日都已經預告過好大機會同OKC續約，但之前爭啲咩搞到唔可以當時就公佈呢？點解要喺9月29日先嚟公佈續約呢？答案可能係當初時辰未到！

有心水清嘅美國傳媒發現，9月29日咁啱係韋少嘅前隊友、家陣過咗檔勇士仲贏過一次總冠軍嘅杜蘭特（Kevin Durant）29歲生日！韋斯卜克同KD搞到不歡而散就係人都知，即使韋少專登揀今日嚟同生日嘅杜蘭特「贈慶」，亦一啲都唔出奇。不過，到底韋少點解揀正9.29嚟同雷霆續約，就得佢自己知喇！