當年今日
關於我們

【短片】百億星爸馬主個仔扮哪吒

蘋果日報 2014/02/20 06:00

鄭強輝百億星爸馬主個仔扮哪吒鄭家星星爾頓

呢期最紅嘅馬主,應該係「威爾頓」嘅鄭強輝,呢匹馬啱啱喺香港經典盃輕勝,大家都已認定佢喺稍後嘅打吡大賽已贏咗九成九咁滯。
其實打吡對鄭強輝嚟講,只係一種榮耀,650萬嘅馬主獎金反而其次,因為鄭強輝身家過百億,係東莞首富,涉足唔同生意,不過佢個仔鄭家星,就醉心演藝事業,星仔好叻吓㗎,既係唱作人出過唱片,又拍過好幾部電影,包括《葉問》一片中做任達華個仔,《大鬧天宮》入面就飾演哪吒一角,最近又同性感女星雨僑傳緋聞,星途可以話漸見光明!
其實除咗囝囝家星,禮拜日鄭強輝喺馬場有另一粒「星」,亦都好有潛質,就係初出馬「星爾頓」嘞,呢匹英國自購馬來頭唔細㗎,來港前三戰全勝,包括贏1400米二級賽,肯定早熟有質素,以往唔少同主馬如「東方明珠」、「絕塵」等初出都非冠即亞,睇嚟呢位百億星爸,就算唔可以《大鬧天宮》,愛駒都可以大鬧馬場。