季初三個月的超長蜜月期，終於都劃上句號啦！安排好晒之後點洗心革面，「我要努力向上，不枉諸君期望」，都仲未企定，就話沙田跑七場泥地因要養草。

又回暖？我啲誓神劈願似乎要同個天氣一樣，又回一回先。我會刨會計，但唔會太深入，咁早定實個答案未必有運行。臨場睇吓有無得追先再買，一於咁話。

同埋下星期國際賽先係重頭戲，今期（2日）縮注冷吼，小本經營位置馬，就一於「大掌櫃」加埋「常山耆寶」。

第二場「大掌櫃」係全場唯一跑過1400米之後生BB馬，變相就經驗老到。雖然陣上表現未算顯眼，叫做其中有場追兩腳，但當時係對舊馬要體諒。

再對堆血統紙，呢隻後生BB馬底子就的確唔輸蝕。為咗今場，工夫都幾辣㗎，一檔貼欄守好位，應該有能力上名。

第四場「常山耆寶」上季泥地1200米識贏識上名，今季熱身兩場後，朝早好似精靈番。估計同場應該得黃俊隻「銀城福星」慢放，如果泥地真係難追，佢跟前就有機會賺到笑。

如果閣下有閒錢，不妨拖番，因為啲熱門本身都唔夠穩陣咁。祝大家混亂賽日成功刀仔鋸大樹，然後HKIR（香港國際賽）就有本錢啦！